من الذاكرة / وتر / عبر الشاشة / عروبية الهوى

كأنك مفيش – أحمد فؤاد نجم

برغم إن صورك فـ كل الدواير
وكل المداخل وكل المحاور
ومليا الشوارع على كل حيط ..
مطنش علينا وعامل عبيط ..
كأنك مفيش ..

***

مسيِّب علينا عصابة حبايبك
فضايح وسرقة ونهب بسبايبك
مابين حزب نجلك .. وهانم جلالتك
وجيش الغوازي إللَّي داير يجاملك
وناملك وقاملك .. وحارسك وأمنك
شبعنا مهانه .. شبعنا لطيش ..!
وأنت .. مفيش !!
***

ياريس علىّ الطلاق تعبانين !!
ياريس علىّ الحرام كفرانين !!
صبرنا سنين ..
سيادتك مسلطن
وشعبك وناسك بتاكل مسرطن
وتشرب مجاري وميت سم هاري ..
ومش دريانين !!
ما تنهض يا ريس تلم الديابه ؟!!
ده شعبك غلابه ..
ومليان طيابه ..
وهوَّ الشفاعة ف يوم الحساب
وهما البطانة الحُثاله الكلاب
ما يملاش عنيهم غير التراب
وليهم ضوافر
وميت ألف ناب
وواقفين لشعبك ورا كل باب
لإمتى ح تسكت وليه الغياب ؟



4 thoughts on “كأنك مفيش – أحمد فؤاد نجم

  1. هب يا مصرى
    هب وقب يا مصرى ياحر واملاها بر وراء بر
    امح بالاستيكة سنين العارمن السبعين للحداش والالفين
    عيش زمن جديد زمن الخشم فيه حديد
    انت مش كدا انت مش كدا
    انت تاريخ 7000 سنة حضارة من السنين شائلينك فين
    دخلوك للعار وغطسوا خشمك فى الطين
    زوروا تاريخك نسوك اسمك زوروا انتخباتك وشحدو السكين
    زوروا عمرك اولاد الاستسلام والعار اولاد الاسرائليين
    امهم امريكا وابوهم اسرائيل وخدامهم احنا المصريين
    ياعار ياعار ياعار ياعار ياثار ياثأر ياثأر ياثأر
    ياخشم ياخشم يا صلاح الدين
    هب وقب ياابوزند اسمرهب وقب واجعل بكرة يوم جديد
    هب وقب على العجوززلزلها من تحته
    واجعلها لهيب واجعلها بكرة يوم سعيد
    يوم أسود على أمريكا واسرائيل وكل رعديد
    ازاى سبعة آلاف سنة حضارة يحكمها ابو حمارة
    ياناس مين اللى قال ريس فى ايده العصمة والقسمة
    مافيش عصمة لعميل ولو كان حاكم ملايين
    ايامك بتنعد وليلك أسود شديد
    اتركها وارحل وسيبها وكفاية تنكيل
    رجع الاقطاع خد أرضنا اداها للخناع
    بقيت عبد فى أرضى بقوا يساومونى على عرضى
    المرة الجاية ضربنا مش حيكون فى المنصة
    حنضرب فى الليل والنهار حنضرب فى كل حتة
    حارس اسرائيل خواف من ضله تابع التوابع ياهنانا بدله
    أنا عامل غلبان شغلى بيدى ملحقتش لقمتى ياخالى ياهريدى
    قوة جبارة ناقصها العنوان العنوان هناك فى قصر الجبان
    اطلع وهد ياجيش الشعب البارك والعدلى شبعوا فينا ضرب

Remember: think and comment "out of the box"

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s