رحبانيات زيادية

التوقيت الشتوي – زياد الرحباني

بلبنان كل سنة بهالوقت بيأخرّوا الساعة حسب التوقيت الشتوي ومتل ما هوي معروف انو بلبنان بالتوقيت الصيفي بيقدموا الساعة ساعة وبالشتوية بيأخروها ساعة!

وبهالمناسبة السعيدة P: اليكم اسكتش لزياد الرحباني بيحكي فيه بطريقتو الخاصة عن التوقيت الشتوي

قلي واحد هديك النهار بس قربو الساعة,قلي انو بحياة عرضك لشو قربو هالساعة فيك تقلي؟
جاوبتو أنا بدون انتباه يعني, قلتلو قدموها لأن صارت عم تعتم مأخرة…
قلي يعني وتعتم مأخرة ,شو جايينا نحنا اذا عتمت قبل يعني؟
انو اذا عتمت مأخرة مش أحسن من ضو الشمعة ولو خيي أو هالنيون عالبطارية..هالدبلة..
لأ انو بحياة عرضك لشو قربوا ولشو بيأخروا لشو بيلعبو فيا للساعة؟
انو شو في ورانا نحنا ليش؟ شو مأثر علينا الوقت؟
مافي شي بيبين معنا نحنا ,لا الليل ولا النهار, انو شو بمدينة تورينو نحنا؟
ليقول الواحد انو كاينين نصنع 3000 سيارة(فيات) بالنهار وهلق اذا عتمت بكير كارثة يعني رح بيصيرو 2890 سيارة, شو خربت الشركة يعني ,وبدا تأثر عالسوق والعرض والطلب يعني تفشكل كلو, لأن هلق بطوكيو نازلين فبركة بهالوقت بالتويوتا ونحنا بتورينو سربنا مثلا, اي وقام طبش الميزان التجاري لصالحن 48 ساعة. شو هيدي ؟هيدي نكبة كبيرة, تأثر الاقتصاد وزاد مؤشر التضخم وتفاقمت البطالة يعني….
شوفي ورانا ولا؟؟ ليقدموا الساعة ساعة ويلخبطوا هالعباد, انو لشو تقديم الساعة؟؟
شو هالساعة اللي من العمر يعني؟ مابعدو حنا حنا وبعدو جبران تويني ليلية بيدهشنا, بس مأخر ساعة.
انو اذا بدكن تعملو شي منيح , غيرو جبران تويني يا خيي ما تلعبو بالساعة تركوها للساعة..
كل سنة بتقدموا الساعة ساعة وبتأخرونا عشر سنين ل ورا بنفس الوقت
ما انتو انتبهوا عالسنين كمان مش بس عالساعات…..
يعني انو كشي الحمام بالله شو بيأثر عليه ساعة بالزايد أو بالناقص؟ هيدا يا خيي ساعة اللي
بييجي هالحمام منكشوا ,ليلا نهارا ما فارقة وعم نأمن الخدمة للمنازل, من المنازل.


Advertisements

2 thoughts on “التوقيت الشتوي – زياد الرحباني

Remember: think and comment "out of the box"

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s