فلسطين تستحق الحياة / عروبية الهوى

عن مدونة فرفحين!

البداية بتبلش من هون رسالة من غروب للاستاذ اسعد ابو خليل عالفايس بوك وبعدين مقال بجريدة الاخبار هون وبتكفي هون مع موضوع لصاحبة مدونة فرفحين يلي تعرضت للاعتقال والتحقيق يوم كامل من قبل مخابرات الجيش بمخيم نهر البارد او ما تبقّى منو!

بعد المقال يلي انكتب بالاخبار والموضوع يلي كتبتو فرح مدونتها منفهم شغلة وحدة انو يلي صار مع فرح هوي شي مزاجي عند الاشخاص او الجنود او المخابرات او شو ما كان اسمن ما عملت شي المخلوقة لكل هالاجراءات والتحقيق يلي صار معها!
قصة طبيعية وعفوية وبريئة كتير ليش هالافكار المسبقة عند الجيش يلي موجود بنهر البارد تجاه اي شخص ممكن يروح ع المخيم او يمرق من حدو؟! هيدي اسمها سلبطة خاصة انو ما سمحولها تطلب محامي!!!! انو بنت مش عارفة شو عملت ولا شو تهمتها اقل شي يكون حدها محامي عيب هالتصرفات يعني هيك رح يخلونا نقول برافو للجيش والمخابرات؟ او نقول والله كان معن حق بس دمروا المخيم ع راس اهلو؟!!!!
هيك حادثة او جريمة انا بعتبرها جريمة بكل المعايير, جريمة ضد الانسانية! ممكن تصير مع اي واحد فينا ويا غافل الك الله! وكمان شو عرّفنا مش ممكن يتمادوا مع اي حدا فينا ويستعملوا العنف معنا او يضربونا يعني هالمرة مرقت وعاملوا فرح بنعومة! نوعا ما شو عرّفنا المرة الجايي مش رح يصير اكتر من هيك؟!!!!
شي بيقرّف

صفحة المدونة على الفايسبوك

Remember: think and comment "out of the box"

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s