Bisan Photostream

اسطنبول…

كانت رحلة حلوة على تركيا تعرّفنا ع معالم سياحية كتير وبرمنا مناطق كتير اكيد ما حفظت اسماء المناطق لانو صعبة وكلها بالتركي. ما بتختلف كتير عن لبنان بالشكل يعني ضليت حاسة حالي اني بلبنان, الاوتيل يلي نزلنا فيه هوي بمنطقة كلها اوتيلات واسم المنطقة “تقسيم” منطقة غالية وبتشبه ال down town ببيروت.
لفتني كم شغلة: اول شي ما بتقطع الكهربا ابدا يعني اول يومين كل ما تصير الساعة 11:55 بالليل ينقمط قلبي انو بدها تقطع الكهربا بعد 5 دقايق ارجع انتبه انو لا هون تركيا وما بتقطع الكهربا .

تاني شغلة كمان مش موجودة عنا وهيي النظام, يعني باسطنبول لوحدها فيه 18 مليون نسمة يعني في كتير بشر والسيارات ع بعضها والعالم افواج افواج بس بتلاقيهن كلن ملتزمين بالنظام بس تصير الاشارة حمرا دغري بتوقف السيارات وحتى بالمطارح يلي العالم بتعمل معاملات فيها متل المترو مثلا بتلاقيهن كمان واقفين بالصف ومش عم ينفخوا ولا عم بيزعبروا.

تالت واهم شغلة لاحظتها انو الشعب التركي بأغلبو ما معو خبر انو في بلد اسمو لبنان يعني بس نفوت ع شي مول لنشتري وبدن يعطونا الفاتورة بيسألوا عن الاسم والعيلة والبلد ايه بس نقلن لبنان بالعربي او بالاجنبي بيطلعوا فينا باستغراب وبالاخر بيكتبوا ليبيا او بيخربشوا اسم البلد خربشة حسب ما بيسمعوه . لاحظت انو شعب منغلق كتير ع حالو وعايش بحالو وعندو تعصب كبير ل لغتو يعني ما بيحكوا الا تركي وبس ما بيعرفوا لا عربي ولا انكليزي ولا فرنسي كل الوقت نحكي معن بالاشارات ليفهموا علينا وقلال كتير كتير يلي بيفهموا عربي او بيحكوا لغة غير اللغة التركية.

عرض الشرائح هذا يتطلب تفعيل جافاسكربت.

صور للذكرى من رحلة الى اسطنبول…

One thought on “اسطنبول…

Remember: think and comment "out of the box"

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s