ما وراء الأسوار

في أنّ… (1)

صرلي زمان ما اكتشفت شي وصار بدا الاشيا اكتشافات مش اكتشاف واحد

  • اكتشفت انو عنزة ولو طارت خلص يلي مقرر انو ما بدو يفهم ولا يستوعب ما فيك تضلك تجرّب معو ليفهم هوي مقرر من الاساس ما يفهم وحاطط براسو معزوفة معينة وبدو يمشي عليها… عبث يعني!
  • واكتشفت كمان انو ما بقى بدا الشغلة يلي بيجي صوبك بكلمة ما تكبّر راسك وتقول ما بدي انزل لمستواه لانو بيصير ياخد راحتو وبيفكرك خيفان منو ومش مسترجي ترد عليه, لا ردلو ياها متل ما هيي لانو بعد شوي رح نحس حالنا قاعدين بشي عيادة حكيم نفساني!
  • اكتشفت انو مش دايما لما نعصّب من شغلة معينة بتكون هيي السبب يلي عصبنا كرمالو, أوقات بيكون في تراكمات واشيا زاعجتنا من قبل بس ما صحّلنا نعبّر عن انزعاجنا بوقتها مع انو بتكون كتير زاعجتنا ف منستغل اول فرصة لنفش خلقنا حتى لو ما كان في شي بيستاهل التعصيب!
  • اكتشفت انو كتار منّا هون بيضحكوا وبينكتوا وبيعملوا جو بس من جوا منكون محروقين اوقات ما منبين ع حالنا بس اوقات ما منقدر نخبّي لانو يلي جواتنا بيكون اكبر واقوى منّا…
  • اكتشاف بسيط واكيد مش جديد بس في شي عم بيقلي احكي وعبّري وانا اذا ما قلت يلي ببالي ما بقدر عيش لو بدا تخرب الدنيي يعني والاكتشاف هوي انو شو في ناس ملعبجية وكذابة ومحتالة وبمية وج يا ويلي!
  • انو الحياة ما بتوقف عند حدا ولا بتنطرنا لانو الحياة دايما ماشية بسرعة ونحنا لازم نلحقها

Remember: think and comment "out of the box"

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s